 |
| မြို့မ (၁) ရပ်ကွက်တွင် ရွေးချယ်တင်မြောက်ရေးကော်မရှင် (၅) ဦးအားရွေးချယ်ပွဲတွင် ရပ်ကွက်အုပ်ချုပ်ရေးမှူးရွေးချယ်မည့် ဥပဒေနည်းဥပဒေများအား မြို့နယ်အုပ်ချုပ်ရေးမှူးနှင့်အဖွဲ့မှ လာရောက်ရှင်းလင်းပုံ |
 |
| မြို့မ (၁) ရပ်ကွက်တွင် ရွေးချယ်တင်မြောက်ရေးကော်မရှင် (၅) ဦးအား ရပ်မိရပ်ဖများ၏ဆန္ဒနှင့်အညီ တင်မြှောက်နေစဉ် |
တစ်နိုင်ငံလုံးအတိုင်းအတာဖြင့် ပြုလုပ်လျက်ရှိသော ရပ်ကွက်/ကျေးရွာအုပ်ချုပ်ရေးမှူး ရွေးချယ်တင်မြောက်ပွဲများကို မုဒုံမြို့နယ်အနေဖြင့်လည်း ရပ်ကွက်ကျေးရွာများအလိုက် ပြုလုပ်လျှက်ရှိရာ အချို့ရပ်ကွက်/ကျေးရွာများတွင် သက်ဆိုင်ရာအုပ်ချုပ်ရေးမှူးဟောင်းများ၏ အာဏာမက်မောမှုနှင့် ထင်သာမြင်သာမှုမရှိသော ဆယ်အိမ်စုကိုယ်စားလှယ်ဖွဲ့စည်းမှုတို့ကြောင်း ကြန့်ကြာလျှက်ရှိကြောင်း သိရှိရသည်။
ရပ်ကွက်/ကျေးရွာအုပ်ချုပ်ရေးမှူးများရွေးချယ်ရာတွင် မသမာမှုများ မရှိစေရန်အတွက် ရှေးဦးစွာ ရပ်ကွက်/ကျေးရွာပြည်သူများမှ တင်မြောက်သော အုပ်ချုပ်ရေးမှူးရွေးချယ်တင်မြောက်ပွဲကြီးကြပ်ရေးကော်မရှင် (ရပ်မိရပ်ဖ) (၅) ဦးကို ပြည်သူများ၏ဆန္ဒနှင့်အညီ ရွေးချယ်တင်မြှောက်ပြီးမှ ၄င်းကြီးကြပ်ရေးအဖွဲ့များမှ ရပ်ကွက်/ကျေးရွာများရှိ နေအိမ်များသို့ ကွင်းဆင်းပြီး ဆယ်အိမ်တစ်ယောက်နှုန်းဖြင့် ဆယ်အိမ်စုကိုယ်စားလှယ် ရွေးချယ်ပွဲများကို ကျင်းပပေးပြီး ၄င်း ဆယ်အိမ်စုကိုယ်စားလှယ်များထဲမှ ရပ်ကွက်/ ကျေးရွာအုပ်စု အုပ်ချုပ်ရေးမှူးတစ်ယောက်ကို လျှို့ဝှက်ဆန္ဒမဲများပေးပြီး မဲအများဆုံးရရှိသူမှ ရပ်ကွက်/ကျေးရွာအုပ်ချုပ်ရေးမှူးအဖြစ် ရွေးချယ်ခြင်းခံရမည်ဖြစ်သည်။
ယခုအခါ ထိုသုိ့ရွေးချယ်ရာတွင် အချို့ရပ်ကွက်/ကျေးရွာများတွင် အုပ်ချုပ်ရေးမှူးဟောင်းများ၏ အာဏာမက် မောမှုနှင့် ၄င်းတို့၏ ထင်သာမြင်သာမှုမရှိသော ဆယ်အိမ်စုကိုယ်စားလှယ် ဖွဲ့စည်းထားခြင်းများကြောင့် ရွေးချယ်ရေးကော်မရှင်နှင့် အချေအတင်များဖြစ်ပွါးလျှက်ရှိပြီး အုပ်ချုပ်ရေးမှူး တင်မြောက်ပွဲများမှာ အထ မမြောက်မှုများနှင့် ကြုံတွေ့နေရသည်။ မုဒုံမြို့နယ်အတွင်း ထိုသို့ဖြစ်ပွါးသော ကျေးရွာများတွင် ဘဲရမ်းကျေးရွာ၊ ညောင်ကုန်းကျေးရွာ၊ ကျုံဖိုက်ကျေးရွာတို့ဖြစ်ပွါးလျက်ရှိပြီး.. ကော့ခပုံကျေးရွာနှင့် ကွေ့ဝမ်းကျေးရွာတို့တွင်လည်း အလားတူ ဖြစ်နိုင်ချေ အများဆုံးရှိနိုင်ကြောင်း လေ့လာစောင့်ကြည့်သူများကို သုံးသပ်ထားကြသည်။ ထိုကဲ့သို့ ရပ်ကွက်/ကျေးရွအုပ်ချုပ်ရေးမှူးရွေးချယ်ခြင်းများသည် ဥပဒေနှင့်အညီ ရွေးချယ်နိုင်ပါက ရပ်ကွက်/ကျေးရွာများ အတွက် များစွာအကျိုးဖြစ်ထွန်းစေမည့် အုပ်ချုပ်ရေးမှူးကောင်းများ ရရှိနိုင်သော်လည်း ထင်သာမြင်သာမှုမရှိသော ရွေးချယ်တင်မြောက်မှုများသည်လည်း တိုင်းပြည်ရဲ့ပြုပြင် ပြောင်းလဲမှုများကို အဟန့်အတား ဖြစ်နိုင်ကြောင်းလည်း သုံးသပ်နေကြသည်။
No comments:
Post a Comment