 |
| စိတ်ကြွရူးသွပ်ဆေးပြားများအား သွားရောက်ဖမ်းဆီးမိရာ ရော်ဘာတောစပ်တစ်နေရာ |
(၁၇-၁၂-၂၀၁၂) ရက်နေ့ (၁၃း၀၀) အချိန် မုဒုံမြို့နယ်၏ တောင်ဘက်အစွန်းရှိ
ကျေးရွာကြီးတစ်ရွာဖြစ်သော ကွမ်လှာကျေးရွာနှင့် နှင့်သံဖြူဇရပ်မြို့နယ် ဖောင်စိန်ကျေးရွာကြား၊
မုဒုံမြို့နယ်ဘက်ခြမ်း တောစပ်အတွင်းသတင်းအရ သံဖြူဇရပ်မြို့နယ်ရဲတပ်ဖွဲ့မှ ရဲတပ်ဖွဲ့ဝင်များ ၀င်ရောက်ရှင်းလင်းရှာဖွေရာ မူးယစ်ဆေးဝါးသုံးစွဲသူ လူငယ် (၁၅) ဦးနှင့်အတူ စိတ်ကြွရူးသွပ်ဆေးပြား(၃၈၄) ပြား၊ ၄င်းဆေးပြားရောင်းချငွေ (၁၆၂၀၀၀ိ)၊ special ခြောက်လုံးပြူး (၁) လက်၊ တူမီးသေနတ် (၂)၊
မူးယစ်ဆေးဝါးသုံးစွဲရာတွင် အသုံးပြုသော ပစ္စည်းကိရိယာများအား ဖမ်းဆီးရမိခဲ့သည်။ သုံးစွဲသူ (၁၆) ဦးအနက် (၁၅) ဦးအားး ဖမ်းဆီးနိုင်ခဲ့ပြီး၊
တစ်ဦးမှာထွက်ပြေးတိမ်းရှောင်လျှက်ရှိကြောင်းလည်းသိရှိရသည်။ ဖမ်းဆီးရမိသူ (၁၅) ဦးအနက်
(၃) ဦးမှာ မုဒုံမြို့နယ် ကွမ်လှာ၊ နှီးပဒေါ၊ ရောင်းဒေါင်းမှ တစ်ဦးစီဖြစ်ပြီး ကျန်
(၁၂) ဦးမှာ သံဖြူဇရပ်မြို့နယ်မှ ဖြစ်သည်။ ဖမ်းဆီးရမိသူများတွင် တက္ကသိုလ်ကျောင်းသားအများအပြားပါဝင်ပြီး ၄င်းတို့အားလုံးကို မုဒုံမြို့နယ်ရဲတပ်ဖွဲ့မှ
တည်ဆဲဥပဒေများဖြင့် တရားစွဲဆိုထားရှိကြောင်းသိရှိရသည်။ ကွမ်လှာကျေးရွာသည် မုဒုံမြို့နှင့် (၁၈) မိုင်ကျော် ဝေးကွာပြီး သံဖြူဇရပ်မြို့နှင့်(၃) မိုင်ကျော်သာ ဝေးသော မုဒုံမြို့နယ်တောင်ဘက်အစွန်းဆုံးရှိ ကျေးရွာကြီးတစ်ရွာဖြစ်သည်။ မုဒုံမြို့နယ်တွင် ယခုနှစ်အတွင်း စိတ်ကြွရူးသွပ်ဆေးပြားများဖမ်းဆီမှုသည် စတုတ္တအကြိမ်ဖြစ်ပြီး ယခင်က မြို့မ (၄) ရပ်ကွက်၊ ကွမ်တာကျေးရွာနှင့် ကလော့သော့ကျေးရွာများတွင်လည်း အလားတူ စိတ်ကြွရူးသွပ်ဆေးပြားများနှင့် ရောင်းချသူများကို ဖမ်းဆီးနိုင်ခဲ့ကြောင်း သိရှိရသည်။
No comments:
Post a Comment